madalas ang hinahanap ko ay ang sagot
ang lunas sa epidemya ng mga mata
kong bulag sa katotohanan
natanong ko na
saan ka na ba?
saan patungo at mukhang
nilimot mo na ang iyong
pinagmulan?
ako'y naguguluhan
ang gaan ng hangin ay
patuloy parin sa pagbuhat
sa aking pusong puno
ng damdamin
ikaw ang dagat
at ikaw ang lawak ng
kalawakan
sa wakas
narinig ko rin
sa gitna
sa ilalim ng lalim ng pangarap
ang iyong pagtawag sa akin
muli
kakapit
haharapin
ang bukas na paparating
maliwanag ang aking mga mata
malaya
malayang...malaya
paalam na sa aking nakasanayan
paalam sa nakaraan
lilisan na kasing tulin
ng isang buntong hininga
lahat ay bago sa paningin
pati narin ang aking
pagkatao at storya
napaparami ang aking mga iniisip
mga binigkas mong salita at mga
pangako
binabalikbalikan
inaalala ang aking mga pagkukulang
salamat sa bigat na aking pinagdaanan
dahil ngayon kita na kita
at wala na akong gustong gawin
kundi mapuno ng mangha
mananatili ang aking mga mata
sa iyong ganda
*
